PANGIT KA

sabi mo sa akin ay pangit ka

,hindi kaaya-aya ang mukha,

kaya't palagi kang nakayuko,

nahihiya saan man magtungo.

sabi mo pa ikaw ay mataba

sa iyong puso,laging may kaba

sa sarili ay walang tiwala

"ako maganda?' yan ay himala!"

gumising ka, idilat ang mata!

kaakit-akit na magdalena

iyong ganda'y nakakahalina

pagod ko'y napaparam sa t'wina

ano man ang sabihin ng iba

kagandahan man nila ay iba

huwag kang makinig sa daigdig

sa'kin ka maniwala at makinig

ikaw nga ay tunay na marikit

kaya sa iba ay wag mainggit

wala Siyang nilalang na pangit

kawangis ka ng DIYOS sa langit!

maniwala saking binabanggit

sapagkat ang DIYOS na ang nagsambit

"panlabas na anyo ang tinitignan na tao,

ngunit puso ang tinitignan Ko"

-rhine

-anirbaz azil .am (orelab)

Mataas na lakbayin

Mga bituin sa langit

kumikislap-kislap sa'kin

sa mata'y tiyak pang-akit

tunay na ganda ang angkin

nasa ko'y lumipad-lipad

sa hardin ng paraiso

pangarap sana'y matupad

sa hardin sana magtungo

subalit paano nga ba?

paano ako tatakas

pa'no ko makalalabas

paano maka-aalpas

muli ko'ng masdan ang hardin

ang taas ng lalakbayin!

hingang malalim, pumikit.

saka tumalon sa langit.

-zabrhine

-anirbaz azil .am (orelab)

Pakinggan mo

oh sadya namang kay ganda 

kay ningning ng iyong mata

tila bituin sa langit

masaya't may malasakit.

ang porselana mong balat

nagalak puso kong salat

labi mo'y kulay mansanas

mata mo'y tila kastanyas

buhok mong nakalugay

ang puso ko'y natatangay

paalon-alon sa twina

halaga'y gintong namina

puso ko'y diniligan mo,

damdamin ko'y pakinggan mo.

buksan mo ang itong puso,

kaibiganin tulad ko.

-zabrhine

-anirbaz azil .am (orelab)

Pagtangis para kay Nena

Andyan na muli si nena,

Ganda'y nakahahalina

Bestida'y sadyang kay nipis

Hantad porselanang kutis

Suot mo nga pala muli!

Ang iyong maskarang puti

Kay ganda ng iyong mukha

Paris sa labi mong pula

Kay sarap namang samyuin

'yong halimuyak na angkin!

Madilim na eskinita

Sa gilid man ng kalsada

Hindi ka ba nangangawit

Sa ngiting namumutawi?

pilit pang pinatatamis,

Puso nama'y nagtatangis!

Sige Nena, ibaba mo!

Ibaba pa ang dangal mo!

upang bukas ay may hain

Pamilya mo'y may makain.

 -zabrhine

-anirbaz azil .am (orelab)