Andyan na muli si nena,
Ganda'y nakahahalina
Bestida'y sadyang kay nipis
Hantad porselanang kutis
Suot mo nga pala muli!
Ang iyong maskarang puti
Kay ganda ng iyong mukha
Paris sa labi mong pula
Kay sarap namang samyuin
'yong halimuyak na angkin!
Madilim na eskinita
Sa gilid man ng kalsada
Hindi ka ba nangangawit
Sa ngiting namumutawi?
pilit pang pinatatamis,
Puso nama'y nagtatangis!
Sige Nena, ibaba mo!
Ibaba pa ang dangal mo!
upang bukas ay may hain
Pamilya mo'y may makain.
-zabrhine
-anirbaz azil .am (orelab)
Walang komento:
Mag-post ng isang Komento